Si sona, si canta, s'abballa! si mancia, si riri e si gira, tiatru, canzuni, si palla cu amici e parenti ogni sira. La chiazza è china di genti, c'è cauru e voli passiari. Ognunu si senti cuntenti... o forsi nun voli pinzari. Simenza, nuciddi e gelati, sasizza arrustuta e miluni, nni parinu tempi scurdati quannu si stava a la gnuni. "E' tardu! ni nni emu a la casa?" "Va bbè, turnamu n'atra sira." Poi c'è l'abbrazza e lu vasa e ognunu stancu s'arritira. Turnannu a la casa... ritorna la pena e la nustalgia, su tanti, tanti li jorna chi s'agghiutti malincunia. Nna figghia a studiari luntanu, l'autru chi voli emigrari si la sorti ci duna nna manu, sapennusi puru adattari. Arristamu, li vecchi, n'paisi, li picciotti vannu luntanu spirannu di pigghiari li spisi, pò tornanu... pallannu talianu. "Paisi, ti piaci sta vita? nun criu chi tu si cuntenti, talii li tò figghi nsalita, chi strincinu sempi li renti. Pinzannu a lu tempu luntanu la rabbia ti pigghia e suspiri, futuru un nn'avemu a la manu e nenti ti lu fa capiri." Ch'era beddu lu tempu passatu, quannu ogni famigghia era unita e si strincia li figghi a lu latu. Chidda si... chi era Vita!"
Si suona, si canta, si balla! si mangia, si ride e si gira, teatro, canzoni, si parla con amici e parenti ogni sera. La piazza è piena di gente, fa caldo e vuol passeggiare. Ognuno si sente contento... o forse non vuole pensare. Sementa, noccioline e gelati, salsiccia arrostita e melone, ci sembrano tempi scordati quando si stava in un angolino. "E' tardi, ce ne andiamo a casa?" "Va bene, torniamo un'altra sera" Poi ci si abbraccia e bacia e ognuno stanco si ritira. Tornando a casa... ritorna la pena e la nostalgia, son tanti tanti i giorni che si inghiotte malinconia. Una figlia a studiare lontano e il maschio a cercare lavoro, se la sorte gli dà una mano sapendosi anche adattare. Restiamo i vecchi in paese i giovani vanno lontano sperando di riprender le spese poi tornano... parlando italiano. "Paese, ti piace questa vita? non credo che tu sei contento. Osservi i tuoi figli in salita che stringono sempre i denti. Pensando al tempo lontano la rabbia ti prende e sospiri futuro non vedi alla mano e niente te lo fa presagire. Com'era bello il tempo passato quando ogni famiglia era unita e si stringeva i figli vicino. Quella si... che era Vita!
Maria Stabile – 29/08/2011